MERCURIUS Erasilicus

MERCURIUS Erasilicus

i. e., de Mirabilibus Brasiliae, nomen libri, quô describuntur primô ritus et constitutio naturalis Regionis, deinde hominum mores et vita, postea animalia quadrupedia, volatilia, natatilia, insecta quibus subiunguntur vegetabilia, arbores, herbae, flores, fructus: et tandem de mineralibus, omniumque iam dictorum virtutibus et proprietatibus, eleganti ac politô stylô agitur: Auctore Valentinô Estansel Moravô Iesuita teste αὐτόπτῃ: asservatur Romae, in Musaeo Kircheriano. Georgius de Sepibus, in Descriptione eius p. 66. Ibidem depositum est, Opusculum phaenomenorum Solis, quô siderum, circa Polum Australem apparentium nobis incognitorum, uti et de Cometarum praeterlapsis annis in Brasiliâ apparentium, motu, duratione, interitu, idem Autctor scite scripsit: quorum omnium ipse primus ex Astronomis sub Zona Torrida observator suit et plurima singularia. Europae Astronomis incognita, aperit.